Го сметаат за најстарото дрво во нашата држава

Платанот (Platanus Orientalis) од Охрид, кај луѓето познат како чинарот според народните преданија и легендите, расте уште од времето на Св.Климент Охридски за кого уште се вели дека лично го засадил (прва половина на IX век).

Се наоѓа во центарот на Охрид.

Легендите и преданијата велат дека охридскиот чинар е стар 11 века, а стручните лица велат дека неговата старост е околу 6 века.

Претставува вечна инспирација за охриѓани, а особено за уметниците.

Тоа е местото каде повеќето луѓе се договараат да се најдат во Охрид и воедно место каде се изнајмувала работна сила во сезоната на градба.

Во дамнешно време се смета дека ова е место каде се извршувале егзекуции. Во Август 2002 година силен ветер ја урна најкрупната гранка од Чинарот заедно со дел од старото стебло. Тоа беше сигнал итно да се конзервира и заштити чинарот од слични незгоди.