gradina.mk Gradina
Валеријаната е растение кое им било познато уште на древните народи. Го употребувале и Римјаните и старите Грци, и се смета дека во 18 и 19 век било едно од најупотребуваните растенија за лекување на многу здравствени состојби.
Валеријаната е повеќегодишно растение кое има разгранети корени и стебленца околу десетина сантиметри. Главното стебло може да достигне висина до еден метар и има цветови со бела и розева боја. Има карактеристичен мирис и вкус.
Растението е отпорно на климатските промени и расте во различни предели. Главно коренот на Валеријаната се користи како лек, се собира во пролет и во есен.
Валеријаната содржи во себе повеќе состојки како што се:
- Растителни влакна
- алкалоиди
- Ензими
- етерични масла
- Минерални соли
- скроб и др.
Валеријаната се користи при лекување на многу здравствени состојби. Од коренот на Валеријаната се прави: чај, разни капки, тинктури, масла и многу други смеси. Чајот од оваа билка се користи како седатив, а исто така има и детоксицирачко дејство.
Важно е да знаеме дека валеријаната иако има дејство како седатив не предизвикува зависност, па затоа е безбедна за употреба. Сепак внимавајте, давајте го контролирано на деца и не давајте го на бремени жени без знаење на матичниот лекар.
Валеријаната има извонредно многу здравствени примени, се користи како дополнителен лек за многу состојби како што се : Анксиозност, Ангина пекторис, Шизофренија, Замор, Стомачни болки, Дијабетес, Раздразливост, Нервоза, Несоница, Депресија, Аритмија, Хипертензија, Забоболка, Астма, Грчеви и сл.
ВНИМАВАЈТЕ! Валеријаната е растение кое има исклучително лековито дејство, сепак има многу поразлично и посилно дејство од други растенија за кои досега сме пишувале, па затоа внимавајте и не користете го самоиницијативно. Секогаш консултирајте се со лекар, а после едно месечно користење направете пауза. Има многу растенија кои се слични на Валеријаната и се отровни, па затоа внимавајте и не берете го сами доколку не сте сигурни. Секогаш за било каква несакана појава при користење на ова растение консултирајте се со лекар!
