gradina.mk Gradina
Чајната билка или камелијата латински уште се нарекува „Camellia sinensis“ се користи за правење на бел чај, зелен чај, улонг и црн чај.
Името „sinensis“ на латински значи „кинески“ од каде и води потекло. Денес се одгледува во сите делови на светот вклучително и Македонија.
Претставува зимзелена грмушка со силен главен корен, а цветовите се жолто-бели, со 7 до 8 ливчиња. Од семето може да се добие чајно масло, кој се користи во кулинарството како масло за готвење.
Свежите листови содржат околу 4% кофеин. Младите, светлозелени листови се користат за добивање чај.
Постојат повеќе сорти а меѓу најпознатите се асамската сорта, кинеската и камбоџанската.
Асамската главно расте во регионот Асам, Индија. Откриено е во 1823. Во дивина достигнува височина од 6 до 20метри. Ова е претежно низинско растение, и има потреба од вода но и добро отцедување. Не трпи многу високи температури.
Кинеската сорта расте до 3 метри височина и води потекло од Кина. Тоа е првата откриена чајна билка која се користела за правење на чај уште пред 3000 години.
Чајните листови се користат во кинеската народна медицина и други медицински системи како лек за бронхит, против астма, ангина пекторис, периферна васкуларна болест и коронарна срцева болест.
Пред употреба консултирајте се со вашиот лекар или фармацевт
