Невообичаено студениот бран кој ја зафати Македонија го донесе и првиот снег за оваа сезона. Во текот на изминатата ноќ паѓаше на Попова Шапка каде температурата се спушти до околу 0 степени, а се создаде и тенка снежна покривка, информира Славчо Попоски.
Невообичаеното студено време ќе се задржи уште денес, додека од утре, па за време на викендот ќе имаме брз и голем пораст на температурите на воздухот, па за време на викендот температурите ќе се искачуваат во интервалот од 25 до 31 степен. Сепак до сабота наутро ќе биде МНОГУ СТУДЕНО со минимални температури кој понекаде ќе се спуштат дури до -1 степен, со што е можна појава на првиот мраз за оваа сезона.