Кое е најгигантското дрво во светот?!

Генерал Шерман е името на гигантското дрво високо цели 83,8 метри. Во 2002 година дрвото мереше околу 1487 кубни метри и со тоа стана најголемото познато дрво во светот.

Се наоѓа во Националниот Парк Секвиа, источно од Висалија во Калифорнија, САД. Се претпоставува дека дрвото е старо помеѓу 2300 и 2700 години. Јануари 2006 година најголемата гранка на дрвото се скрши.

За овој инцидент нема сведоци, а гранката беше долга цели 30 метри. Рекордот забележан во Гинисовата книга на рекорди не вклучува големина на гранки, туку ја вклучува неговата кубикажа.