Калемење пиперки

Од неодамна почнало користењето на калемите кај пиперките. Самата технологија, односно процес на калемење не се разликува многу од другите врски. Обично се извршува истовремено. Поседува висока толерантност кон болести и штетници.

По сеидбата, кога подлогите се сеат во контејнери, а калем гранчињата во гајби, многу густо (како за пикирање), по формирање на 4 до 6 прави листови, при дебелина на стебло од околу 2 милиметри почнува калемењето.

Потребно е остро сечиво (жилет), кој се поставува во специјален држач така што се сече под агол од 45 степени. За калемење, идеално е, доколку резот е прецизен и површината на налегнување поголема.

Подлогота се сече над котиледонот, а и калем гранчето обично над котиледонот, но тоа зависи и од издолженоста на расадот. По спојувањето со штипките, можно е да се постават и дрвени стапчиња, која служат како држач за билката. Идеално е калемените билки да се стават во комори за калемење, каде точно може да се контролираат климатските услови. Но, во овие услови, може да се користат ПВЦ гајби, каде се реди искалемениот расад и добро се залива. Гајбите со својата висина од 25 до 30 сантиметри претставуваат држачи, односно конструкција за фолијата со која се покрива.

Првата е перфорирана фолија, а другиот и третиот слој се обична фолија. На овие три слоја се поставува темна фолија или зелена или црна мрежа за заштита од град, која има функција на замрчување во првите 48 часа. Калемениот расад мора да се најде во погодни услови, односно висока релативна влажност на воздухот и ниска осветленост. По 48 часа, се симнува темната фолија и се зголемува интензитетот на светлина. До тој момент, почнало создавањето на калусот. По 96 часа (4 ден од калемењето) се симнува другата фолија,а по 144 часа (шести ден), се симнува и последната фолија. Билките во гајба остануваат уште 2 до 3 дена.

Автор на тектстот: Анѓелко Мишковиќ

Извор: ФФРМ