Естрагон – Растение на древните римјани

Естрагонот бил користен нашироко од Римјаните и Арапите. Се сретнува во флората на Сибир, Монголија, Кина, Јапонија, Северна Америка. Култивира во речиси цела Европска Русија, Африка и Северна Америка. Естрагонот е повеќегодишно растение од сем. Астерови (Сложноцветни).

Како зачин се употребуваат врвовите од стеблените делови, заедно со лисјата и цветовите. Тие содржат 0,80% етерично масло, флавоноиди, горчливи гликозиди, инулин, витамини и др.

Со дестилација на водена пареа на свежи или сушени гранчиња се добива есенцијално масло. Тоа е жолтеникавозелена течност со специфичен маслоподобен анасонов мирис, бидејќи содржи анетол. Маслото се применува и во индустријата, како и за подготовка на естрагонов оцет. Служи и за ароматизирање на разновидни салати, сосови и за лекови.