gradina.mk Gradina
Воздухот денес во просториите во кои живееме и работиме ни станува сериозна опасност за здравјето. Но знаете ли дека присуството на одредени билки го намалува внатрешното загадување и воспоставува еко-баланс во домот?
Внатрешното загадување на просториите е предизвикано со комбинација на разни фактори – штетните состојки кои ги има во мебелот: бојата, лепилото, лаковите, плинот кој го користиме во домаќинството, оџакот на печките, пестицидите, канцелариската опрема како што се печатачите и фотокопир-уредите, средствата за лична хигиена и многу фруги.
Покрај ова, воздухот се загадува и директно од луѓето (вируси и бактерии), потоа од домашните миленичиња и чадот од цигарите, пренатрупаноста на просторот (како што е во канцелариските простории), слабото проветрување.
Воздухот кој го дишиме во домот или на работното место често може да биде многу поопасен од надворешниот. За таа цел се препорачува збогатување на просторот со што повеќе зеленило и на тој начин да развивате еден вид еко – култура. Присуството на некои билки во домот го намалува внатрешното загадување. За време на фотосинтезата се отвораат порите на листовите и во себе го впиваат јаглерод диоксидот, а го враќаат кислородот.
Некои видови растенија имаат посебни ензими и бактерии познати како метилотрофи, кои ги анулираат гасовите и ги метаболизираат штетните состојки што се причина за внатрешното загадување, па затоа се познати и како билки кои го „јадат“ отровот. Претежно растенијата се наменети за во дневните простории, но има и такви кои може да се чуваат во спалната соба, но без знаење не експериментирајте.
На пример во дневната просторија хризантемата ја намалува концетрацијата на формалдехид и сулфур диоксидот, алое верата ја намалува концетрацијата на формалдехид, лилјаните ја намлауваат концетрацијата на амонијак, кактусот ја намалува концентрацијата на испарливите органски материи и го апсорбира електромагнетното зрачење, ја намалува концентрацијата на штетните гасови како што се јаглерод диоксидот и моноксидот.
