gradina.mk Gradina
Зелена салата или марула е умерено едногодишно или двегодишно растение кое најчесто расте како лиснат зеленчук. Во некои земји, како Македонија, се јаде ладна и свежа, во салати, сендвичи, и други јадења.
Во Кина најчесто се јаде зготвена, и дршката има подеднаква важност како листот. Познато е дека зелената салата го штити срцето и ги топите килограмите.
Зелената салата првично има стебленце (розетен раст), но кога процветува, стеблото се продолжува и разгранува, па дава многу цветни глави кои личат на оние кај глуварчето, само помали.
Ова се нарекува прецветување. За да биде јадлива, зелената салата се бере пред да прецвета. Растението е храна за ларви на некои Пеперутки. Зелената салата има исклучително ниска калорична вредност, во 100 гр има само 15 калории. Таа има голем извор на бета каротен, фолна киселина, витамин Ц како и влакна, кои се неопходни за системот за варење. Содржи и витамин К кој учествува во создавањето на 4 од 13-те протеини потребни за процесот на коагулацијa.
Исто така таа обилува со минерали како што се калциум, железо, магнезиум, јод и бакар. Витаминот Ц и бета каротенот ја спречуваат оксидацијата на холестеролот.
Постојат стотици сорти на марули избрани по боја и облик на листот, како и по способност да стојат подолго. Погорките и попигментираните марули содржат антиоксиданти.
Путер салата има лабави глави; има путереста текстура. Овие се најпопуларни во Македонија и Европа.
Кинеските салата имаат долги, сабјести, главонеобразни листови, со горчлив и робусен вкус за разлика од западните видови на салати.
Кочанестата салата има цврсти, густи глави како кај зелката и овие се најслаби по вкус, а се користат повеќе заради крцкавата текстура отколку заради вкусот.
Бескочанеста салата е со нежни, меки и слаби по вкус лисја. Тука спаѓаат назабените и црвенкастите марули.
Римска салата е наречена и Кос, е главообразен тип со продолжени листови.
Батависката салата кои обликуват умерено густи глави со крцкава текстура.
