Топлото време неминовно ги остава своите траги врз растенијата. Малку повеќе грижи не се непотребни и за тревата.
Така таа ќе го поврати свежиот изглед. По жешките летни денови и летниот одмор, останува само една грижа во градината и тоа е тревата. Сега е време да ја засилиме и подготвиме тревата за во зима.
Вентилација: Првиот чекор кон оздравувањето на тревниците е нивното продубчување или проветрување.
Користете специјализирана машина, со која малку ќе ги кренете тревичките за да може меѓу нив да навлезе доволно кислород. Внимавајте на штетните габи и отстранете ги навреме. Можете исто така да ги исечете и тврдокорните стебленца на глуварчињата, млечките и сличните растенија.
Доцна сеидба: Ако забележите дека на некои места тревата има потреба од задебелување или надградба, можете слободно да посеете нови семиња. Влажната и топла клима во рана есен е идеален предуслов за брзото нивно проникнување. Додавајќи песочно-хумусна земја за цвеќиња, ќе се подобри не само растењето на тревата, но и искористувањето на корисните материи во почвата.
Ѓубрење: Не заборавајте да ја ѓубрите тревата редовно. Така ќе ја засили, и ќе го забрзате растот како и ќе потпомогнете во зачувувањето на свежата и зелена боја. Последната доза ѓубриво, која се става непосредно пред почетокот на зимата, треба да содржи повеќе калиум, а помалку азот. Специјалната количка за оплодување со дупки по дното помага за рамномерно разнесување на материите.
Долго косење: До крајот на сезоната во месец октомври тревата расте доста бавно, но сепак расте. Дури кога ќе падне снег, може да ја оставите во мирување. Дотогаш косете ја редовно.
Чистење: Остатокот трева, како и есенските листови, треба да се чистат редовно, за да не ја задушуваат.
Крајот на летото е најдобро време за сеење на новата трева. Семето не суши толку брзо како за време на најжешките летни недели. Од друга страна, температурите се уште не паднале под 10 ° Ц Овие два услови, земени заедно, се идеален предуслов за брзо и беспрекорно ‘ртење на семенцата.