Уловил џиновска жаба од 6 килограми (Фото)

Официјалната Фејсбук страница на „Асоцијацијата на ловци на јужен Тексас“ објави дека нејзиниот член ловецот Маркус Рендал во близина на рибник во Батесвил во јужен Тексас уловил џиновска жаба тешка неверојатни шест килограми.

Веднаш по оваа објава портпаролот на Одделението за диви животни на Тексас потврди дека фотографијата на Маркус со џиновската жаба е вистинска, а не дело на фотошоп, но и дека жабата е фотографирана од агол од кој таа изгледа многу голема.

-Жабата не е голема колку што изгледа, но е поставена кон камерата така што изгледа многу поголема отколку што е. Сепак вистина е дека се работи за огромен примерок тежок шест килограми, потврдил портпаролот на Одделението за диви животни на Тексас, Стив Лајтфут.