Почетна / Градина / Вести / Со каква убавина плени глацијалното езеро Локув во Маврово ? (Фото)

Со каква убавина плени глацијалното езеро Локув во Маврово ? (Фото)

Прекрасни фотографии од птичја перспектива на ледничко езеро Локув објави на својот Фејсбук профил Националниот парк Маврово.

Ледничкото езеро Локув е најниското глацијално езеро во Р.Македонија и според неговата местоположба претставува една вистинска туристичка атракција.

Сместено во прегратките на Дешат планина на висина од околу 1568 м.н.в. е гордост на локалното население кое во негова близина има поставено неколку клупи за одмор, бачило, чешма со природна ладна вода за пиење и сл.

До локалитетот се стигнува со пешачење во должина од 8 километри низ планина со обележани планинарски патеки.

Има услови за тргнување од две локации и тоа од с. Битуше кај поранешната караула и с. Требиште. Постои можност да се изнајмат и коњи, а патеката е средно тешка и скоро преку целиот нејзин тек е прекриена со убава шума и ладовини.

Патеката изобилува и со видиковци од кои убаво се гледа кањонот на реката Радика, манастирот св Јован Бигорски и други пејсажи. На самиот локалитет може да се ужива во прекрасниот изглед на ова малку познато и уште неоткриено(од страна на туристи) езеро во кое опстануваат неколку интересни форми на живот од кои најпознат е “Тритонот„, водоземец кој наликува на риба и жаба.

Во близина на езерото е лоцирано и едно бачило во кое може да се проба тазе сирење попознато како Требишко сирење, и други млечни производи од ова поднебје. Интересно е што водата во езерото за време на летниот период е доста топла, а оние туристи кои го посетуваат местото имаат можност да уживаат во водите на една ретка планинска плажа.

Околу езерото има идеални места за излет, кампување и одмор во планина.

Во близина на езерото на околу 30 до 40 минути пешачење можат да се посетат и неколкуте “планински очи„ (езерца со чиста бистра вода распослани на падините на планината).

Погледнете ги фотографиите на следната страна

Види

Посејте ароматични и зачински растенија за зимата која доаѓа

Бидете вредни и прктични и во текот на зимата. Посејте ароматични билни во стакленикот во …