29.03.2024
Почетна / Градина / Пентас (Pentas)

Пентас (Pentas)

Овие интересни и помалку познати кај нас цвеќиња се донесени од рамнините на Африка и островот Мадагаскар.

Во својата татковина Пентасот расте во вид на мала грмушка, но во наши услови е соодветно за одгледување во саксии дома.

Ако успеете да го одгледувате добро, ќе имате едно компактно растение со висина до 50 см. Листовите се 5 – 8 см израмнети и овални. Покриени се со фини влакненца, но вистинската декоративна вредност на цвеќето е за време на цветањето.

При правилно одгледување пентасот цвета подолго време – од септември до јануари. Цветовите се трбести и се отвораат како ѕвездички, собрани на врвот на гранките во цветен штитник, кои достигнуваат големина до 10 см, додека пак е во бела, розова, пурпурна и црвена боја.

Место: Овие тропски цвеќиња имаат потреба од многу светлина. Температурите треба да се во границите од 16 – 18 степени во текот на годината. Ова особено треба да се почитува во зима кога Пентасата цвета. За време на цветањето не смее да се дозволува температури пониски од 12 степени.

Нега: Пентасот е од растенијата кои се многу чувствителни на влага. Почвата супстрат треба да е со многу добра водопропустливост, за истекување на вишокот вода. Наводнувањето треба да биде умерено, и многу треба да се внимава во зимските месеци, кога температурите се пониски и сонцето послабо. По периодот на цветење, настапува период на мирување, кога наводнувањето треба да е сосема намалено. Погодна за одгледување на здраво и убаво растение почвата супстрат е составена од чимовка, едрозрнеста песок и добро угнилено ѓубриво.

Размножување: Пентасот се размножува преку резници и се вкоренува во песочна подлога. Младите цвеќиња се покриени со стакло или друга материја, која пропушта светлина за обезбедување на висока воздушна влажност. Температурите по вкоренувањето малку треба да се повисоки – околу 20 – 25 степени. По вкоренувањето и зајакнувањето на младите сечи, тие се пресадуваат во вистинската почва супстрат – чимовка, едрозрнеста песок и добро угнилено ѓубриво. Можно е и размножување со семе. За ‘ртење е потребна светлина и температура околу 20 степени. Имајте на ум дека растенијата кои се размножувани од семе цветаат малку подоцна од размножуваните со резници.

Види

Ако видиш смрдливка НЕ ЈА УБИВАЈ! Погледнете што значи тоа!

Ние веруваме дека на многу луѓе им пречат некои инсекти кои влегуваат во вашиот дом, …