gradina.mk Gradina
„Денот на градината“ е мотото под кое „МТД- ГРАДИНА“ по втор пат ќе организира настан в сабота, 2 јуни 2018 година, во нивниот продажен салон во Трговскиот центар „Олимпико“ во Тафталиџе.
„МТД- ГРАДИНА“ ги кани сите љубители на градината и градинари со или без искуство, на презентација на производите со кои ќе си го олеснат одржувањето на градината.
Настанот, кој е предвиден да трае од 9 до 15 часот, е и можност за размена на искуства и совети, за прашања и одговори, како и за забава со музика.
Организаторите ќе ја претстават и богатата понуда на базени, градинарски алати, како и производите на реномираните брендови: Wоlf Garten, MTD, INTEX, WEIMA, BEKGER, кои имаат долгогодишна традиција и докажан квалитет.
Во соработка со ГАРДЕН КЛУБ- Градини, програмата на дружбата в сабота ќе биде збогатена и со доделување на наградите за најубавите фотографии од градините за месец мај.
„Градината е тивка оаза на мирот среде бучавата на активниот живот, а градинарството е одлична активност која нé штити од анксиозност и депресија, ја подобрува продуктивноста, а едновремено ја ублажува несоницата.
Градинарството претставува активна вежба како за нашето тело, така и за нашиот ум. Нашата цел е да го олесниме одржувањето на градините, нудејќи им на градинарите различни алатки за сечиј вкус, потреба и џеб.“, изјавија од „МТД ГРАДИНА“, чиј дуќан постои од 1996 година и нуди широк асортиман на производи за одржување на градини.
Сите производи се достапни на нивната веб-страница http://mtdgradina.mk, каде е достапна и онлајн продажбата.
