Малината е тајното оружје против ракот

Малината ги уништува клетките на ракот, утврдија експертите од американскиот универзитет Клемсон по студиите со животни. Научниците на животните им давале екстракт од малина каде дури 90% од клетките на туморот биле сузбиени.

Одамна се знае дека малината поседува антиоксидантни својства. Сепак, истражувачите од Универзитетот во државата Јужна Каролина се убедени дека во малината има и посебна антиканцерогена компонента.

Според експертите ниту еден од познатите антиоксиданси не е способен да уништи 90% од канцерските клетки. Освен тоа очигледно ракот е ликвидиран од одредена комбинација на супстанции содржани во малините.

До неодамна научниците претпоставуваа дека само некои сорти малини може да го убиваат ракот – на пример црната малина. Но, истражувачите докажаа дека тоа не е така. Со туморот се справува секоја сорта на малини.

Овој плод поседува и други корисни својства. Во него има многу витамин Ц, кој е важен за машката плодност, и магнезиум, кој учествува во производството на тестостерон.