Почетна / Градина / Вести / Координацијата останува клучна за подготвеноста за Африканската свинска чума на Балканот

Координацијата останува клучна за подготвеноста за Африканската свинска чума на Балканот

И покрај ограничувањата во патувањето и средбите лице в лице заради глобалната пандемија КОВИД-19, ФАО продолжува да ги здружува партнерите преку Интернет, за да разговараат за Африканската свинска чума – смртоноснo, вирусно, прекугранично заболување кај домашните и дивите свињи, против кое нема вакцина.

Фокусот на состанокот ќе биде дивата свиња, ловот и ловната биосигурност.

Ова е втор состанок од ваков вид, каде се среќаваат ветеринарните служби од Балканот за презентирање на иницијативите на ФАО и добивање повратни информации за идната координација и активностите поврзани со Африканската свинска чума. Ваквите состаноци се очекува да продолжат и во иднина, на секои три месеци.

„Особено е важно да останеме во контакт со нашите земји-членки и партнери во овие тешки времиња“, изјави Даниел Белтран-Алкрудо, ФАО специјалист за здравје на животните.

Средбата е навремена, бидејќи Африканската свинска чума неодамна беше откриена кај диви свињи во Германија, а годишните сезони на лов низ целиот регион ќе започнат за неколку месеци.

Учесници на овој состанок преку Интернет се национални контакт лица од земјите кориснички (Северна Македонија, Албанија, Босна и Херцеговина, Косово, Црна Гора и и Србија), претставници на релевантни меѓународни чинители, вклучително Европската комисија, Светската организација за здравје на животните (ОИЕ) и претставници од соседните земји.

ФАО ќе ги претстави тековните и планираните активности во врска со истражувања на ловишта со посебен фокус на нивната биосигурност, пријавување на мртви диви свињи преку апликацијата iMammalia и обука за ловџии на тема Африканска свинска чума.

„Начинот на кој работиме е значително погоден поради КОВИД-19, но секоја криза исто така претставува можност за иновации во нашата работа“, рече Марк Ховари, ФАО експерт за подготвеност за здравјето на животните.

Види

Што ќе се случи кога ќе скршите јајце под вода?

Што ќе се случи ако скршите живо јајце под вода? Институтот за океанска наука од …