02.10.2022
Почетна / Градина / Вести / Кои се здравствените придобивки од белиот бор

Кои се здравствените придобивки од белиот бор

Белиот бор може да се најде насекаде, во високите и ниските региони, застапен е и во нашата држава, а според биолозите нуди голем број здравствени придобивки.

Интересно е тоа што како лек се употребуваат младите иглички од борот. Треба да се употребуваат само најмладите иглички, а се препорачува да се употребуваат веднаш по нивното берење, бидејќи со стоење состојките се губат.

Свежите иглички од белиот бор се користат во многу природни рецепти. Најмногу свежите иглички од белиот дроб се користат за лекување на бронхиални инфекции, лесен бронхитис, кашлањe, заедно со другата лекарска терапија.

Игличките од белиот бор се користат исто така и за лекување на астма, реуматски болести и гихт. Смолата од белиот бор се користи при болки предизвикани од камен на жолчката, а катранот кој се добива од белиот бор има широка примена во дерматлологијата и ветеринарната медицина.

Разни препарати на база на бел бор се многу ефикасни за лекување на воспаленија на слузокожата на устата, блага хипертензија и воспаленија на дишните патишта. Од белиот бор можат да се најдат повеќе производи, можете да најдете и стотина народни рецепти на база на бел бор кои можете самите си ги подготвите.

Белиот бор може да се додаде во разни чаеви и од него да се приготват разни тинктури и сирупи за надворешна и внатрешна употреба. Исто така, интересно е што многу луѓе прават масла кои ги користат како купка, за кои велат дека делуваат смирувачки и ја негуваат кожата на телото.

Види

Пакомак: Наша цел е до 2030 година 70 проценти од отпадот од пакување да се селектира и рециклира

Поефикасната селекција и рециклирање на амбалажниот отпад, беше тема на меѓународната работилница, што се организираше …