Почетна / Градина / Калатеа – една од најубавите и атрактивни листно декоративни растенија

Калатеа – една од најубавите и атрактивни листно декоративни растенија

Ова се едни од најубавите и атрактивни листно декоративни растенија. Тие имаат ефектни и егзотични точки кои се разликуваат по големина и форма.

Потекнуваат од тропските предели на Јужна Америка, каде што локалното население често ги користи листовите за плетење на кошници. Токму од таму потекнува и името на родот (Kalathos), што во превод од грчки значи “кошница”.

Овој род вклучува околу 150 видови на растенија. „Calathea crocata“ има речиси едноцветни листови и најчесто се одгледува поради светлите портокалови бои. Попознати видови се C. picturata, C. rebrina, C. Maui Queen.

Некои припадници се остри како копија. Несомнено најпопуларна и импресивна е Калатеа макојана (C. Makoyana). Листовите и се со светли, речиси со бели основни бои со фино темно зелена невратура и поголеми и помали темни со црвеникава нијанса елипсовидни дамки. Американците и Французите ја нарекуваат “растение-паун” (англиски peacock-plant).

Калатеите не се лесни за одгледување. Бидејќи потекнуваат од Бразил, растат во тропските шуми, на бреговите на реките и езерата. Се чуваат дома на оптимална температура, не пониска од 15 степени. Тие сакаат полесенчести локации и не сакаат директна сончева светлина. Бараат висока возудшна влажност особено во топлите периоди. Почвата е потребно да биде постојано влажна, но да не се наводнува прекумерно. Се пресадуваат на секои две до три години и тоа во еден број поголема саксија. Од штетниците најчесто се јавуваат штитоносните вошки, но со помош на инсектицид целосно може да се отстранат.

Види

Нема повеќе хаос: Совети од Гардена како да ја организирате вашата градинарска куќарка

Вашата градинарска куќарка може да биде неопходна кога станува збор за заштита на алатите и …