gradina.mk Gradina
Игликата ја среќаваме во грмушките, шумите и ливади во предпланинските реони на земјата. Корисен дел се цветовите, листовите и корењата на растението. Цветовите се берат за време на расцветувањето, листовите – по прецветувањето.
Се сушат на сенка или во машина за сушење алишта до 40 °C Во својот хемиски состав содржат главно сапонини, гликозиди, ензими, танини, флавоноиди, скроб и др. Таквата содржина ја имаат листовите и цветовите на растението.
Се користи при бронхитис, кашлица, настинка заболувања, грип, бронхијална астма, несоница, неврози, ноќно мокрење, дијареа и др.
Во народната медицина се употребува при мигрена и главоболка.
Околу 2 чајни лажички ситно сечкани суви корења од растението се попаруваат со 400 мл врела вода. Киснат околу 30 минути. Потоа се прецедува и се пие по 1 чашка 3-4 пати на ден.
Внимание! Многу луѓе, особено деца, покажуваат преосетливост на растенијата и може да предизвика тешки алергиски реакции. Затоа таа треба да се употребува само за назначување на лекар!
