09.02.2025
Почетна / Градина / Животни / Дојранскиот рак се враќа во Дојранското Езеро

Дојранскиот рак се враќа во Дојранското Езеро

Во Дојранското Езеро повторно вирее ракот. Намалувањето на речниот рак во водите на Дојранското Езеро имаше негативен ефект и врз опстанокот на четирите дојрански ендемични бранхиобделиди. Со враќањето на водата, заживува и самото езеро, пишува Фронт.мк.

По долги години, едeн од симболите на Дојран, дојранскиот рак се враќа во водите на древното езеро. Дојранските домаќинки, угостителите, се уште го паметат мирисот на неделниот ручек ориз со рак. Но најголем мaрифет сепак бил ѓувечот со рак. Денес низ кафеаните во Дојран прва на менито е рибата, но ракот се уште важи за незаменлив деликатес. До седумдесеттите години на дваесеттиот век, Дојран извезуваше околу 50 тони ракови годишно. Во езерото се среќаваат три вида ракови, меѓу кои и ендемскиот балкански слатководен рак.

Драстичното намалување на популацијата на речниот рак во водите на Дојранското Езеро, имаше негативен ефект и врз опстанокот на 4-те дојрански ендемични бранхиобделиди. Видеото е снимено од жител на Стар Дојран. Споделете ја оваа радостна вест на почетокот од Новата година!

Види

Колку чини изнајмувањe на пчелно семејство за опрашување во Канада?

Канада е светски лидер во производството на семе од репка. 300.000 пчелни колонии се вклучени …