Дарлингтонија

Дарлингтонијата е растение, повеќе познато како Кобра Лили. Тоа е единствен вид од родот Дарлингтонија и е од семеството Sarraceniaceae.

Растението било откриено во 1841г. на планината Шаста, која се наоѓа во северна Калифорнија, државата Орегон.

Во 1853г. растението било опишано од Џон Торе, кој го крстил Дарлингтонија по името на Филаделфискиот ботаничар Вилијам Дарлингтон.

Ова е месојадно растение и како и кај повеќето месојадни растенија, Дарлингтонијата се прилагодила кон испораката на потребните хранливи материи преку неговите лисја, за да го компензира недостатокот на хранливи материи во местата каде што расте.

Дарлингтонијата е уникатна меѓу трите видови американски растенија – Сараценија и Дионеја на два начина:

1. Таа не собира дождовница во своите листови како Сараценијата, а наместо тоа го регулира нивото на водата преку внатрешните механизми и впива вода со транспорт преку корените.

2. За разлика од другите месојадни растенија, листовите на Дарлингтонијата не произведуваат распаѓање ензими. Наместо со ензими растението го раствора пленот преку симбиотична бактерија. Со додатокот на секрет кој го произведуваат лисјата, овој вид внимателно го крие својот излез – отвор во кој пленот останува внатре.

Украсите на горниот дел од листот се доволна мамка за инсектите. Растението достигнува височина од 25 – 30 см.

За полевање се користи ладна дождовна или дестилирана вода. Сака директно сонце, но само ако е на влажно и топло место. Ако местото е со ниска влажност Дарлингтонијата може да успее на полусенка. Се размножува со семе. Процесот е многу бавен и тешко се одржува растението, кое се добива. Дарлингтонијата може да биде доста тешка за одгледување во зависност од областа во која се одгледува. Повеќе сака ладни до топли температури во текот на денот и ладни и студени температури во ноќта. Најмногу добро се чувствува, кога корените се ладни отколку остатокот од растението.