Белата и црната црница (Morus alba L., Morus nigra L.) е пренесена од Индија. Кај нас се култивира, но се среќава и диво.
Корисен дел се претежно лисјата, поретко овошјето и по исклучок кората на корените од белата црница.
Во секојдневната пракса најмногу се користат листовите. Од плодовите се подготвува сок и сируп.
Во својот хемиски состав листовите содржат гликоза, аденин, калциум карбонат, пептон. Во овошјето се наоѓа пектин, пектоза и др. Се верува дека листовите го намалуваат шеќерот во крвта. Лисјата, поретко плодовите се применуваат при шеќерна болест, кај хроничен бронхитис, фарингитис, за регулирање на нередовна менструација, при тении.
Околу 2 лажици сушени листови се запаруваат со 400 мл врела вода. Киснат околу 1/2 час. Потоа се прецедува и се пие по 1 чашка пред јадење 3 пати на ден. Кората од корените на црницата во доза од 1 лажичка кафе и запарување во 400 мл врела вода се варат уште 5 минути.