Земјоделските површини зголемени за 0.2%, а намалување кај пасиштата за 0.1%.

Според податоците на Државниот завод за статистика, во 2016 година, во споредба со 2015 година, земјоделските површини се зголемени за 0.2%. Кај обработливата површина зголемување е забележано кај ораниците и бавчите за 0.6% и кај овоштарниците за 1.8%, како и кај лозјата за 1.6%. Намалување е забележано кај пасиштата за 0.1%.

Во 2016 година, во споредба со 2015 година, поголемо зголемување на производството се забележува кај тутунот за 5.0%, компирот за 4.3% и крмната пченка за 61.4%, а поголемо намалување се забележува кај оризот, сончогледот и краставиците.

Производството на овошје во 2016 година, во споредба со 2015 година, бележи намалување кај сите видови овошје, освен кај праските.