Почетна / Градина / Вести / Забрзани постапките за исплата на штетите во земјоделството за минатата и за оваа година

Забрзани постапките за исплата на штетите во земјоделството за минатата и за оваа година

buy Pregabalin online 08/08/2017 Вести

buy generic fincar online no prescription Со една милијарда денари ќе се исплаќаат штетите во земјоделството од невремето минатата година, вака одлучи Владата на една од првите седници. Пари се предвидени и за штетите од доцните пролетни мразови во 2017-та.

Според министерот за земјоделство, шумарство и водостопанство Љупчо Николовски, подрачните единици забрзано ги подготвуваат записниците, се прават и пресметките. Интензивно се работи за што поскоро реализирање на средствата, пишува Бриф.

– Затекнавме проблем со записниците, сега тоа го решаваме. Заедно со Бирото за судски вештачења ќе се прават нови пресметки, но ги предвидовме и средствата. Паралелно, ги забрзавме постапките за она што се случи во Тетовско, Скопско и Кумановско. Веднаш се формирани комисии и се покренати сите процедури. Направени се и првичните проценки, ги очекуваме сите записници за да се процесираат понатаму, вели тој.

Со законска измена, посочи, во 2015 година е донесена Уредба со која на подрачните единици им е даден рок од 360 дена наместо од 60, за да ги направат записниците.

– За 2016 година, за она што ни се случи во Ресен и во 14 други општини, се уште немаме добиено записници од подрачните единици. Затоа и не може да се процесираат. Но, ќе го решаваме и тој проблем. Правам постојан притисок подрачните единици веднаш да си ја завршат работата, и по однос на 2016 година да ги достават записниците, но и да ги забрзаат постапките за оваа година, истакнува Николовски.

Се прават напори и за решавање на имотно-правните односи што, според министерот, е еден од клучните предизвици во некои општини. – Тоа е една од системски работи и крупна реформа што ќе ја дискутираме со научниот тим. Во многу општини луѓето имаат проблем со имотно-правните односи. Мора да се најде законско решение за регулирање на нивните права во овој сегмент, објаснува министерот.

Види

Канадски експерти ги научија мувите винарки да бројат

Канадски експерти ги научија мувите винарки да бројат, откако направија обиди во текот на 40 …