Црвеноока дрвна жаба

Црвенооката-дрвна жаба (Agalychnis callidryas) е водоземец од семејството на дрво жаби. Таа е станар на дрвото, а најчесто се среќаваат во неотропичните дождовни шуми. Црвенооката дрвна жаба потекнува од Костарика и голема е околу 7 cm. Окраската на грбот е зелена со различни шари, додека стомакот е бел.

Страничните делови се виолетови или сини со вертикални бели ленти, а прстите се со портокалова нијанса. Како женските, така и машките примероци имаат испакнати црвени очи со вертикални зеници, слично на очите на домашната мачка. Црвенооката дрво жаба има мека и нежна кожа на стомакот, додека кожата на грбот е релативно дебела и груба.

Средните димензии на женските примероци се околу 7-8 cm, додека кај машките поединци должината на телото е околу 5-6 cm. Се среќава во дождовните шуми на јужно Мексико, по должината на цела Централна Америка, до северна Колумбија.

Женските полагаат околу 30 до 50 јајца. Ги несат на широки лисја, надвиснати над водата.

Јајцата се белезникави и имаат флексибилно, желатинозно покриеност, што ги штити од предатори.